siriyapaarvai - சிறிய பார்வை

செய்யும் நேரம்: 20 நிமிடங்கள்

தேவையான பொருட்கள்:
1. கேழ்வரகு மாவு - 1/2 கப்
2. உப்பு தேவையான அளவு
3. மோர் - 2 கப்

செய்முறை:
1. ஒரு பாத்திரத்தில் 3 கப் தண்ணீரை கொதிக்கவிட வேண்டும். சிறிது உப்பு சேர்க்கவும்.
2. கேழ்வரகு மாவை 1/2 கப் தண்ணீர் ஊற்றி கலக்கி கொண்டு கொதித்த நீரில் ஊற்றி நன்கு கிளற வேண்டும். (இந்த மாதிரி கிளறுகின்ற வேலை எல்லாம் வீட்டில் உள்ள ஆண்களிடம் விட்டுவிடுங்கள்:))
3. தோசை மாவு பதம் வந்தவுடன் அடுப்பை நிறுத்திவிட்டு ஆற வைக்கவும்.
4. அரை டம்ளர் கூழுடன் அரை டம்ளர் மோர் சேர்த்து நன்கு கலக்கவும். பிங்க் போர்ரிட்ஜ் தயார்!

பின் குறிப்பு:
1. ஒரு வாரம் வரை இதை ஃப்பிர்ட்ஜில் வைத்துக்கொள்ளலாம்.
2. காலை சிற்றுண்டிக்கு மிகவும் நல்லது.
3. இதில் கெலொரி (Calorie) மிகவும் குறைவு.
4. கோடை காலத்திற்கு மிகவும் உகந்த உணவு.
5. "கூழ்" பழமையான வார்த்தையாக இருந்தால், "பிங்க் போர்ரிட்ஜ்"(Pink Porridge) என்று புதுமையாக கூறுங்கள்:))